Josu Erkoreka Diputatuen Kongresuan Euzko Abertzaleak taldearen bozeramailea enplegurako politika aktiboen transferentziari edukiak emateko formularen aldeko agertu da “Kutxa Bakarra gutxietsi gabe”. Halaber, azpimarratu duenez, talde jeltzaleak ez du “Kutxa Bakarraren erregionalizazioa” bilatzen, baizik eta Estatutuaren betepena bilatzen du Gizarte Segurtasunaren erregimen ekonomikoaren kudeaketari dagokion alderdian.

Markel Olano GIpuzkoako Ahaldun Nagusiak aditzera eman duenez “Bortxakeriaren amaiera ez litzateke eraiki behar alderdi politiko baten porrotean, eta kasu honetan ezker abertzalearen porrotean, baizik eta sistema demokratikoan sartu beharko lirateke aukera politiko guztiak eta inolako bazterketarik gabe”. Azpimarratu duenez “amaituko da ETAren deslegitimazioaren oxigenoa eta hori da terrorismoaren amaieratik hurbil egotea”; gaineratu duenez, honek herri honen “benetako berpizkundea“ ahalbidetuko du.

Euzko Alderdi Jeltzalearen Bizkai Buru Batzarraren lehendakari Andoni Ortuzarrek Estatuaren aurrekontu orokorren negoziazioari dagokionez Gobernu sozialistari ohartarazi dionez, "beste ate bati deika hastea dauka", zeren eta EAJren "atea itxita" egongo baita, baldin eta enpleguaren arloko politika aktiboak Euskadiri transferitzen ez bazaizkio, Autonomia Estatutuan ezarririk dagoenaren arabera. 

Euzko Alderdi Jeltzaleak Madrilgo Diputatuen Kongresuan duen bozeramaile Josu Erkorekak Eusko Jaurlaritzak uda honetan izan diren kale borrokaren ekintzak "gutxiesteko" duen interesa kritikatu du, eta EAJk lehenago horrela jardun izanez gero "lintxatu" egingo zutela adierazi du.

Gaur Zarautzen burutu den ekitaldian, EAJren EBBren lehendakari den Iñigo Urkulluk adierazi duenez, "kurtso historiko baten aurrean gaude. Kurtso hau ez da aurrekoak bezalakoa izango, hau berezia da, desberdina. Eta hori denok argi daukagu". "Azkeneko kurtsoan gobernu huts bat ezagutu  dugu Euskadin. Baina hori, arazoa izanik, ez da arazo osoa. Arazoa sakonagoa da, arazoa da hori dela Gobernu honen estrategia, PSE eta PP aliantzaren estrategia. Ezer ere ez egitea, aurretik egindakoa desegitea, eta poliki poliki Euskadi Espainaren nortasun bakarrean integratzea".

Euzko Alderdi Jeltzaleak CiUk eta PPk Lan Erreformari dagokionez aurkeztu dituzten zuzenketen kontrako botoa eman du, ezen EAJren senatari Joseba Zubiak adierazi duenez, "zuzenketok gehiago gogortzen dute gobernu sozialistak planteatu duen Erreforma, eta hori beharginen bermeen aurka dago". Halaber, Euzko Alderdi Jeltzaleak azken irizpenaren botazioan abstenitzea erabaki du.